www.mni.is

Stjórnarfundur 28. september 2011

Sun, 09 Oct 2011 11:25:00 GMT

Stjórnarfundur 28. september 2011

Stjórnarfundur MNÍ
Dags.: 28. september 2011
Staðsetning: Heiðargerði 4, Reykjavík
Fundarefni:
1. Samþykkt síðustu fundargerðar
2. Matvæladagurinn 2011
3. Fjölmiðlalisti og málsvörn MNÍ.
4. Næsti fundur

Viðstaddir eru: Stjórn: Herdís M. Guðjónsdóttir formaður, Ragnheiður Guðjónsdóttir ritari, Guðný Jónsdóttir og Helen Gray. Fulltrúar Framkvæmdanefndar Matvæladagsins: Fríða Rún Þórðardóttir, formaður nefndar og Atli Arnarson.

Efni:

1. Samþykkt síðustu fundargerðar

Fundargerð samþykkt

2. Matvæladagurinn 2011

Undurbúningur fyrir Matvæladagsins 2011 er á lokastigum. Dagurinn verður haldinn 18. október á Hilton Nordica Hóteli. Dagurinn ber yfirskriftina Heilsutengd matvæli og markfæði. Farið var yfir lokaútgáfu dagskrár dagsins. Dagurinn hefur verið lengdur og mun hann standa frá 12-18. Ástæðan er að fyrirlesarar eru fleiri í ár en undanfarin ár. Sjávar- og landbúnaðarráðuneyti hefur veitt deginum styrk upp á 100.000 krónur. Formaður mun athuga með frekari styrki. Næstu skerf eru að senda út fréttatilkynningu um daginn sem framkvæmdanefnd mun sjá um. Ákveðið að fyrirlesarar munu fá leikhúsmiða fyrir að taka þátt í deginum og mun formaður sjá um athuga með tilboð og kaupa. Ákveðið að fjöreggsnefnd, framkvæmdanefnd, ritnefnd og stjórn munu fara út að borða eftir daginn eins og venja hefur verið undanfarin ár. Fríða Rún mun leita tilboða á Nordica og vera í sambandi við formanninn í framhaldinu.

3. Fjölmiðlalisti og málsvörn MNÍ

Stjórn hafa borist tillögur um að efla málsvörn MNÍ í fjölmiðlum. Lagt er til að stofnuð verði viðbragðsnefnd sem muni bregðast við með vísindalegum rökum þegar að þörf krefur. Bent hefur verið á að fjölmiðlum beri að veita réttar upplýsingar til almennings. Stjórn líst vel á þessar tillögur. Steinar B. Aðalbjörnsson hefur boðist til að veita þessari viðbragðsnefnd krafta sína. Leita þarf til annarra félagsmanna til að fullmanna nefndina og mun formaður senda út beiðni þess efnis til félagsmanna. Einnig þarf að uppfæra og endurnýja fjölmiðlalista en viðbragðsnefnd myndi þá hafa bakland í þeim sérfræðingalista. Hugmynd um að Sigrún Stefánsdóttir haldi fjölmiðlanámskeið fyrir félagsmenn er vísað til Fræðslunefndar.

4. Næsti fundur

Næsti fundur verður haldin eftir Matvæladaginn og mun formaður boða hann í tölvupósti þegar nær dregur.

Stjórnarfundur 17. ágúst 2011

Fri, 09 Sep 2011 13:57:00 GMT

Stjórnarfundur 17. ágúst 2011

Stjórnarfundur MNÍ
Dags.: 17. ágúst 2011
Staðsetning: Kryddlegin hjörtu, Skúlagötu,Reykjavík
Fundarefni:
1. Samþykkt síðustu fundargerðar
2. Matvæladagurinn 2011
3. Afmælishátíð
4. Endurmenntun
5. Önnur mál
6. Næsti fundur

Viðstaddir eru: Herdís M. Guðjónsdóttir formaður, Sigríður Ásta Guðjónsdóttir gjaldkeri og Ragnheiður Guðjónsdóttir ritari og Guðný Jónsdóttir.

Efni:

1. Samþykkt síðustu fundargerðar

Fundargerð samþykkt

2. Matvæladagurinn 2011

Framkvæmdanefnd Matvæladagsins er langt komin með undirbúning Matvæladagins. Til umfjöllunar stjórnar voru drög að dagskrá Matvældagsins, hækkun þátttökugjalds og tillögu framkvæmdanefndar að nafnabreytingu Matvæladagsins. Dagskrá og hækkun þátttökugjalds eru samþykkt af hálfu stjórnar. Tillaga framkvæmdanefndar um að breyta nafni Matvæladagsins í MNÍ-dagurinn var hafnað. Hefð er fyrir notkun nafnsins Matvæladagurinn auk þess sem hann er tengdur Matvæladegi Sameinuðu þjóðanna sem er haldinn í október ár hvert.

3. Afmælishátíð

Afmælishátíðar MNÍ verður haldin 26. ágúst í Háskólanum á Akureyri þar sem þemað verður fortíð, nútíð og framtíð matvæla- og næringarfræðimenntunar á Íslandi. Skráning hefur verið ágæt en formaður mun senda út póst til að hvetja félagsmenn til að skrá sig. Þátttökugjald á hátíðinni er 1000 kr. Síðan þarf að greiða fyrir kvöldmáltíðina. Ekki er komið á hreint hversu mikið það verður. Athugað verður með styrktaraðila fyrir kvöldverðinn.
Skoðanakönnun verður send út fyrir afmælishátíðina til að kanna hvort félagsmenn eru starfandi við sitt fag ásamt fleiri atriðum. Sigríður Ásta mun taka að sér að útbúa slíka könnun sem síðan verður send út á félagsmenn í tölvupósti.

4. Endurmenntun

Guðný greindi frá stöðu mála á samstarfi Endurmenntunar HÍ og MNÍ. Gjaldkeri gerir athugasemd við að Endurmenntun veiti ekki afslátt beint til félagsmanna MNÍ eins og rætt hafi verið í upphafi samstarf og rukki svo félagið beint heldur hafi félagsmenn sjálfir þurft að sækja niðurgreiðslu til félagsins eftir að námskeið hefur verið greitt. Gjaldkeri mun mæta á næsta fund með Endurmenntun til að ítreka þetta. Einnig þarf að skerpa á áherslum í samstarfinu og athuga samninginn.

5. Önnur mál
Stjórn kom með þá hugmynd að farið yrði í vísindaferð til Landlæknisembættinu til að kynnast áherslum og framtíðarsýn embættisins eftir sameiningu Landlæknis og Lýðheilsustöðvar fyrr í sumar. Formaður kemur skilaboðum um þetta til fræðslunefndar félagsins.

6. Næsti fundur

Næsti fundur verður haldin eftir Afmælishátíðina og mun formaður boða hann í tölvupósti þegar nær dregur.

Stjórnarfundur 24. maí 2011

Fri, 09 Sep 2011 13:56:00 GMT

Stjórnarfundur 24. maí 2011

Stjórnarfundur MNÍ
Dags.: 24. maí 2011
Staðsetning: Eldhrímnir, Höfðatorg, Reykjavík
Fundarefni:
1. Samþykkt síðustu fundargerðar
2. Matvæladagurinn 2011
3. Afmælishátíð
4. Aðalfundur
5. Næsti fundur

Viðstaddir eru: Herdís M. Guðjónsdóttir formaður, Sigríður Ásta Guðjónsdóttir gjaldkeri og Ragnheiður Guðjónsdóttir ritari, Guðný Jónsdóttir og Helen Gray.

Efni:

1. Samþykkt síðustu fundargerðar

Fundargerð samþykkt

2. Matvæladagurinn 2011

Framkvæmdanefnd Matvæladagsins hefur tekið til starfa og hefur hafið undirbúning að næsta Matvæladegi. Verður í samstarfi við formann og stjórn ef þurfa þykir.

3. Afmælishátíð

Undirbúningur afmælishátíðar MNÍ gengur vel og stendur afmælishátíðarnefnd norðan heiða sig með stakri prýði. Formaður mun senda út tölvupóst til félagsmanna og láta vita af hátíðinni og hvetja fólk til að taka daginn frá og skrá sig.

4. Aðalfundur

Aðalfundur fór fram 17. maí 2011 á 13. hæðinni á Grand Hótel og fór vel fram. Eindregin ósk aðalfundar var að kannaðar yrðu sögusagnir um nýtt matvælanám. Formaður mun hafa samband við forstjóra Matís og óska eftir fundi um málið. Einnig við Guðjón Þorkelsson, kennara við Matvæla- og næringardeild, og óska eftir að kennarar Matvæla- og næringarfræðideildar HÍ sitji fundinn.

5. Næsti fundur

Næsti fundur verður haldin þegar nær dregur haustinu og mun formaður boða hann í tölvupósti.

Stjórnarfundur 18. apríl 2011

Fri, 09 Sep 2011 13:55:00 GMT

Stjórnarfundur 18. apríl 2011

Stjórnarfundur MNÍ
Dags.: 18. apríl 2011
Staðsetning: Heiðargerði 4, Reykjavík
Fundarefni:
1. Samþykkt síðustu fundargerðar
2. Skiladagur nefnda
3. Afmælishátíð
4. Aðalfundur
5. Önnur mál
6. Næsti fundur

Viðstaddir eru: Herdís M. Guðjónsdóttir formaður, Sigríður Ásta Guðjónsdóttir gjaldkeri og Ragnheiður Guðjónsdóttir ritari, Guðný Jónsdóttir og Helen Gray.

Efni:

1. Samþykkt síðustu fundargerðar

Fundargerð samþykkt

2. Skiladagur nefnda

Skiladagur nefna var haldin 30. mars og tókst vel. Vel gekk að manna nefndir að þessu sinni.

3. Afmælishátíð

Ákveðið hefur verið að halda 30 ára afmælishátíð MNÍ á Akureyri 26. ágúst 2011. Stefnt er að halda ráðstefnu um daginn og enda daginn með hátíðarkvöldverði. Nefnd fyrir norðan sér um undirbúning í samráði við formann og stjórn ef þurfa þykir.

4. Aðalfundur

Ákveðið hefur verið að halda aðalfund 17. maí 2011. Helen tekur að sér að athuga með sama sal og síðast þ.e. 13. hæðin á Grand Hótel. Formaður mun senda út fundarboð þegar að staðsetning er komin er á hreint.

5. Önnur mál

Heyrst hefur að Matís stefni á nýtt matvælavísindanám. Formaður mun óska eftir fundi með forstjóra Matís vegna þessara sögusagna.
Stjórn mun skoða og yfirfara handbók MNÍ og athuga hvort að einhverjar villur eða breytingar hafi orðið á undanförum árum.

6. Næsti fundur

Næsti fundur er aðalfundur en næsti stjórnarfundur verður ákveðin eftir hann. Formaður boðar í tölvupósti þegar að nær dregur.

Stjórnarfundur 10. mars 2011

Fri, 09 Sep 2011 13:54:00 GMT

Stjórnarfundur 10. mars 2011

Stjórnarfundur MNÍ
Dags.: 10. mars 2011
Staðsetning: Café Copenhagen, Grensásvegi, Reykjavík
Fundarefni:
1. Samþykkt síðustu fundargerðar
2. Skiladagur nefnda og hugmyndir að efni Matvæladags 2011
3. Afmælishátíð
4. Önnur mál
5. Næsti fundur

Viðstaddir eru: Herdís M. Guðjónsdóttir formaður, Sigríður Ásta Guðjónsdóttir gjaldkeri og Ragnheiður Guðjónsdóttir ritari, Guðný Jónsdóttir og Helen Gray.

Efni:

1. Samþykkt síðustu fundargerðar

Fundargerð samþykkt

2. Skiladagur nefnda og hugmyndir að efni Matvæladags 2011

Skiladagur nefnda verður 30. mars en honum var fresta vegna óviðráðanlegra orsaka. Fundurinn verður haldinn í Sóltúni eins og í fyrra og verða gamlar og nýjar nefndir þ.e. framkvæmdanefnd, fjöreggsnefnd og ritnefnd boðaðar á fundinn. Formaður sér um að boða fund og að útvega þakkargjöf.
Hugmyndir að efni næsta Matvæladags ræddar. Helstu hugmyndir eru: Þróunarstarf, íslensk framleiðsla, heilsutengdar vörur, frá framleiðslu til neytenda, íslenskar næringarvörur, íslensk fæðubótaefni og markfæði. Ný framkvæmdanefnd fær það hlutverk að útfæra efni dagsins frekar.

3. Afmælishátíð

Hafin er undirbúningur að afmælishátíð. Tillaga stjórnar um 6.maí gekk ekki upp vegna húsnæðis á Akureyri en hugmyndin er að nýta húsnæði Háskólans á Akureyri. Próftíð HA kemur í veg fyrir að hægt sé að nýta það í byrjun maí. Því verður ekki sameiginleg afmælishátíð og aðalfundur eins og til stóð heldur verður þetta aðskilið. Stjórn leggur til að athugað verði með dagsetningu í lok maí eða ágúst.

4. Önnur mál

Fræðslumál rædd. Stefnt er að vísindaferð í Hótel- og veitingaskólann. Helen tekur að sér að skrá MNÍ á biðlista.

5. Næsti fundur

Næsti fundur ákveðinn 14. apríl kl.:20:00 í Heiðargerði 4, Reykjavík.

Stjórnarfundur 18. janúar 2011

Fri, 09 Sep 2011 13:53:00 GMT

Stjórnarfundur 18. janúar 2011

Stjórnarfundur MNÍ
Dags.: 18. janúar 2011
Staðsetning: Happ, Höfðatorgi, Reykjavík
Fundarefni:
1. Samþykkt síðustu fundargerðar
2. Skiladagur nefnda
3. Afmælishátíð og aðalfundur
4. Blaðaskrif í Heilsu
5. Næsti fundur

Viðstaddir eru: Herdís M. Guðjónsdóttir formaður, Sigríður Ásta Guðjónsdóttir gjaldkeri og Ragnheiður Guðjónsdóttir ritari, Guðný Jónsdóttir og Helen Gray.

Efni:

1. Samþykkt síðustu fundargerðar

Fundargerð samþykkt

2. Skiladagur nefnda

Skiladagur nefnda verður í þriðju viku febrúar svo framarlega að skipað hafi verið í nýjar nefndir og efni Matvæladagsins ákveðið. Formaður sendir út tölvupóst til félagsmanna þar sem óskað verður eftir tillögum um efni Matvæladags 2011. Guðný bíður fram Sóltún sem fundarstað eins og í fyrra og er það þegið með þökkum. Ákveðið að hafa sömu þakkargjöf og í fyrra.

3. Afmælishátíð og aðalfundur

Þarf að ákveða dag fyrir Afmælishátíð og aðalfund sem stefnt er að að halda á Akureyri. Stjórn leggur til að föstudagurinn 6. maí verði fyrir valinu. Þarf að athuga hvernig það hentar norðanmönnum. Þegar dagsetning hefur verið ákveðin þarf að athuga áhuga félagsmanna á að halda afmælishátíð og aðalfund á Akureyri. Helen og formaður athuga þetta.

4. Blaðaskrif í Heilsu

Halldóra Hagalín ritstjóri Heilsu, sem er nýtt blað sem Birtingur stefnir á að gefa út, hafði samband og óskaði eftir að félagsmenn skrifuðu pistla í blaðið eftir þemum hvers tölublaðs. Stjórn líst vel á það og vill skoða að borga félagsmönnum eftir stærð greina. Þarf að útfæra það þegar að að þessu kemur.

5. Næsti fundur

Næsti fundur verður eftir mánuð. Formaður sendir upplýsingar um fundarstað og fundartíma í tölvupósti þegar að nær dregur.

Aðalfundar MNÍ 2011

Thu, 18 Aug 2011 10:33:00 GMT

Fundargerð aðalfundar MNÍ 17. maí 2011 á Grand hótel

Dagskrá fundar
Aðalfundarstörf.
1.   Skýrsla stjórnar um störf félagsins á liðnu starfsári.
2.   Reikningar félagsins
3.   Starfsáætlun og fjárhagsáætlun næsta starfsárs og ákvörðun félagsgjalda.
4.   Skýrsla nefnda.
5.   Skýrsla fulltrúa MNÍ í öðrum félögum.
6.   Atkvæðatalning kjörs til stjórnar félagsins. Þeir sem hafa áhuga á að gegna embættum fyrir félagið snúi sér til stjórnar eða sendi póst mni@mni.is
7.   Kjör tveggja endurskoðenda og eins til vara.
8.   Aðrar kosningar, svo sem kjör fulltrúa í önnur samtök.
9.   Önnur mál.

Formaður setti fundinn kl. 20:06 og fundarstjóri var Baldvin Valgarðsson.
1.   Formaður las skýrslu stjórnar. Stjórnin fundaði að jafnaði í hverjum mánuði. Félögum hefur fjölgað. MNÍ dagurinn 2010 heppnaðist mjög vel. Nýjungar á árinu voru meðal annars að listi með nöfnum félagsmanna var sendur til fjölmiðla og félagsmenn hvattir til að ræða eða skrifa í fjölmiðla. Samstarf MNÍ og EHÍ heldur áfram, þrjár tillögur að námskeiðum eru komnar. Formaður sagði frá ferðum sem MNÍ félagar fóru í á árinu og voru það bæði fræðslu og skemmtiferðir. Ný og bætt heimasíða er komin í gagnið. MNÍ verður 30 ára á árinu og á að halda afmælið á Akureyri 26. ágúst með mikilli fræðslu- og skemmtidagskrá. Unnið er að undirbúningi fyrir MNÍ daginn 2011. Skýrslu stjórnar er hægt að nálgast á netinu.
2.   Sigríður Ásta Guðjónsdóttir lagði fram reikninga félagsins og voru þeir samþykktir. Aukning hefur orðið á útgjöldum enda fást færri styrkir til þess að halda MNÍ daginn en áður var. Fjárhagsleg staða félagsins er þó góð.
3.   Formaður ræddi starfsáætlun með skýrslu stjórnar. Ekki liggur fyrir fjárhagsáætlun. Ákveðið var að félagsgjöld yrðu óbreytt eða 4000 kr.
4.   Fáir voru mættir frá nefndum og því litlar upplýsingar um störf þeirra. Ragnheiður Héðinsdóttir fer fyrir fræðslunefnd. Gerð var áhugakönnun hjá félagsmönnum um námskeið og voru haldin fjögur námskeið. Félagsmenn voru misánægðir með námskeiðin. Umræður sköpuðust um t.d. markhópa námskeiðanna, hvort þau ættu að vera opin almenningi og verð. Besta námskeiðið þótti námskeið Ingibjargar Gunnarsdóttur um merkingu á matvælum.
5.   Fáir fulltrúar MNÍ í öðrum félögum voru mættir. Fulltrúi næringarrekstrafræðinga sagði frá hvað þær hafa gert síðasta ár.
Baldvin Valgarðsson frá matvælahóp og Ragnheiður Guðjónsdóttir frá næringarhópi, nefndu að lítið hefði verið um fundi hjá sínum hópum.
6.   Enginn mótframboð í stjórn félagsins og situr hún því áfram óbreytt.
7.   Endurskoðendur eru áfram þeir sömu.
8.   Engar breytingar eru á fulltrúum í önnur samtök.
9.   1. Fyrirspurn kom frá Zulema Porta um að breyta nafninu á MNÍ deginum þannig að næringarfræðinga nafnið komi inn í þennan dag. Umræður voru um þetta og var ákveðið að breyta ekki MNÍ nafninu en muna að skrifa nafnið á félaginu. Næringarfræðingar þurfa að koma með skriflega ósk um að breyta nafninu á deginum.

2. Rætt var um matvælafræðinganámið, enginn endurnýjun er í því námi og má nefna að enginn er í náminu í dag. Þessi stóra spurning kom fram, hvað er til ráða. Ýmislegt var rætt og félagsmenn komu með sínar skoðanir á því af hverju enginn er í þessu námi. Sveinn Margeirsson forstjóri Matís hefur dregin vagninn í þessu máli. Umræður um næringarfæði og matvælafræði sköpuðust. Mikill munur á þessu námi. Þeir sem eru að ráða í störf í matvælageiranum gera sér ekki grein fyrir þessu.
Ákveðið að kalla til fundar prófessora og aðra kennara á heilbrigðisvísindasviði HÍ og jafnvel fulltrúa fleiri háskóla. Hugmynd kom um að biðja MATÍS um að halda fundinn.

3. Zulema sagði frá því að innihaldslýsingar á íslenskum vörum væri ábótavant. Greinilegt er að ekki er fagfólk að vinna þessa vinnu (matvælafræðingar). Stærri fyrirtæki og fyrirtækin á Akureyri eru með matvælafræðinga í vinnu en smærri fyrirtæki kaupa frekar þjónustu af einkafyrirtækjum s.s. MGK, Sýni og fleirum.

Fundi slitið kl. 22:16

Olga Gunnarsdóttir
Næringarrekstrafræðingur.

Aðalfundar MNÍ 2011

Thu, 18 Aug 2011 10:33:00 GMT

Fundur stjórnar MNÍ og kennara í matvælafræði við HÍ

Thu, 18 Aug 2011 10:30:00 GMT

Fundur stjórnar MNÍ og kennara í matvælafræði við HÍ

Fundarstaður: Matís, Vínlandsleið 12, 113 Reykjavík
Fundartími: 7. júní 2011. Kl. 9:30-10:45
Fundarmenn: Fyrir hönd MNÍ: Herdís M. Guðjónsdóttir, formaður MNÍ, Guðjón Gunnarsson, Helen Willamsdóttir Grey, Ragnheiður Guðjónsdóttir, Ragnheiður Héðinsdóttir, Sigríður Ásta Guðjónsdóttir, gjaldkeri. Fyrir hönd Matís og Matvælafræðideildar: Guðjón Þorkelsson, Franklín Georgsson, Hörður G. Kristinsson, Inga Þórsdóttir, Kristberg Kristbergsson, Sigurjón Arason, Sveinn Margeirsson forstjóri Matís mætti í lok fundar.

Fundur settur og tók Guðjón Þorkelsson að sér stjórn fundar. Ritari settur Ragnheiður Guðjónsdóttir.

Guðjón Þorkelsson byrjaði á að kynna stöðu og framtíð matvælanámsins. Þar kom fram að stefnt væri að ríkisháskólarnir ( HÍ, HA, LHÍ) í samstarfi við Matís myndu bjóða upp á sameiginlegt líftækninám til B.S. náms þar sem líffræði, lífefnafræði, matvælafræði og sjávarútvegsfræði mætast. Er þá rætt um hafa fyrstu tvö árin sameiginleg og síðan yrði þriðja árið val á milli þeirra greina sem að náminu standa. Breiðari náttúrufræði er í
þessu sameiginlega námi og hægt að taka fyrstu tvö árin t.d. á Hólum eða Akureyri.

Einnig hefur verið undirritaður samningur milli Matís og Hí um Alþjóðlegt meistaranám í matvælavísindum. Gert er ráð fyrir þremur línum í því námi: Matvælaöryggi, matvælalíftækni og matvælaverkfræði. Námið mun allt fara fram á ensku og verður líklega kennt í lotum. Einingar skiptast jafnt milli námskeiða og verkefnis. Ekki hefur verið ákveðið hvenær formlegt nám hefst en stefnt er að því haustið 2012.
Ragnheiður Héðinsdóttir spyr þar sem lítil og millistór fyrirtæki treysti sér ekki til að ráða vísindamann og hvort ekki þörf sé á styttra praktískt námi. Sigríður Ásta segir að mikil þörf sé fyrir ráðgjafaþjónustu á sviði matvælaiðnaðar og fyrirtækin átti sig á því þegar ráðgjöfin sé komin á stað að hún borgi sig. Fundurinn sammála um að þörfin á matvælafræðingum sé til staðar þó að stjórnendur fyrirtækja átti sig ekki alltaf á því.
Vitað að iðnaðartæknifræðin í HR er að fara aftur af stað eftir smá hlé og spyr Ragnheiður Héðins hvort ekki sé grundvöllur fyrir samstarfi þar og búa þá til matvælatæknifræðinám. Sigurjón segir að samstarf hafi verið við Tækniskólann sem hafi dottið uppfyrir þegar að hann sameinaðist HR. Þetta hafi þó ekki verið nema 3-4 nemendur á ári.

Inga leggur áherslu á mannfæð sem útskrifast úr framhaldsskólum af náttúrufræðibraut og að þeir nemendur dreifist mikið þar sem margt standi til boða eftir stúdentspróf.

Á fundinum kom fram að í verk- og raunvísindadeild sé gerð krafa um 15 nemendur í hverju grunnnámskeiði sem sé of mikið miðað við höfðatölu.

Fundurinn sammála um nauðsyn þess að svara kalli samtímans og að athuga þyrfti hvers konar nám nemendur vildu. Einnig að þörf væri á markaðssetningu á náminu. Einnig þyrfti að koma til markaðssetning matvælafræðingum innan fyrirtækja.

Rætt var nokkuð um Bolonga samkomulagið þar sem gert er ráð fyrir 3ja ára grunnnámi, 2ja ára meistaranám námi og 3ja ára doktorsnámi og hvort þyrfti að breyta kröfum í matvælanáminu að það þyrfti meistarapróf til að sækja um löggildingu eins og krafa er um í mörgum öðrum greinum.

Mikil áhugi er á áframhaldandi samstarfi við Matís og er aðstaðan þar orðin mjög góð fyrir verklega kennslu.

Niðurstaða fundar að kjarninn sé samstarf og samvinna háskólanna, Matís og iðnaðarins ásamt markaðsetningu á náminu og störfum matvælafræðinga.

Stjórnarfundur 17. nóvember 2010

Thu, 13 Jan 2011 09:49:00 GMT

Stjórnarfundur MNÍ
Dags.: 17. nóvember 2010
Staðsetning: Heiðargerði 4, Reykjavík.

Fundarefni:
1. Samþykkt síðustu fundargerðar

2. Matvæladagur

3. Afmælishátíð

5. Önnur mál

6. Næsti fundur

Viðstaddir eru: Herdís M. Guðjónsdóttir formaður, Sigríður Ásta Guðjónsdóttir gjaldkeri og Ragnheiður Guðjónsdóttir ritari, Guðný Jónsdóttir og Helen Grey.

Efni:

1. Samþykkt síðustu fundargerðar

Fundargerð samþykkt

2. Matvæladagurinn

Matvæladaginn var haldinn 27. október 2010 á Nordica Hotel. Mikil ánægja var með hvernig til tókst. Aldrei hafa fleiri mætt á Matvæladaginn en um 190 manns mættu.

3. Samstarf EHÍ og MNÍ- námskeið

Haldið var námskeið um heilsufullyrðingar þar sem Ingibjörg Gunnarsdóttir, prófessor í næringarfræði fór yfir nýju reglugerðina um heilsufullyrðingar, ráðleggingar og fleira. Um 60 manns mættu á námskeiðið. Ánægja með samstarfið og verður því haldið áfram. Stefnt er á að halda aftur námskeið um merkingar matvæla og jafnvel bæta öðru við sem þá tengist næringarfræði á vorönn. Ekki var farið af stað með sérnámskeið í rekstri fyrirtækja þar sem það er víða kennt m.a. hjá Endurmenntun HÍ.

4. Fjölmiðlalisti

Í framhaldi af umræðu á Matvæladaginn hefur verið útbúinn listi yfir félaga MNÍ sem eru viljugir til að tala við fjölmiðla um sitt sérsvið. Listinn verður sendur á fjölmiðla ásamt texta frá formanni um hlutverk listans og lögverndun starfheita. Fjölmiðlar verða hvattir til að nýta sér þennan lista þegar að upp koma mál sem varða sérsvið félagsins.

Humyndir frá félagsmönnum um að greitt væri sérstaklega fyrir væri samskipti við fjölmiðla. Ekki hefur verið ákveðið hvort það verður gert en stjórn sér fyrir sér að setja þurfi skýr viðmið um slíkt. Formaður tekur að sér að hafa samband við þá félagsmenn sem komu með þessa tillögu ásamt því að kynna sér hvaða háttur sé hafður á í öðrum sambærilegum félögum.

5. Afmælishátíð

Haft hefur verið samband við nokkra félaga MNÍ á Akureyri vegna afmælishátíðar. Mögulegar dagsetningar ræddar ásamt möguleikanum að slá saman aðalfundi MNÍ við afmælisdagskrá í byrjun maí. Nánari útfærsla er í höndum undirbúningsnefndar en Helen tekur að sér að hafa samband norður m.a. til að fá fólk í undirbúningsnefnd.

6. Önnur mál

Upp kom hugmynd um að félagið beitti sér fyrir að gerðir yrðu fræðsluþættir um næringu og heilsu. Hægt væri að sækja um styrk til sjónvarpsþáttagerðar. Frekar rætt á næsta fundi.

Rætt um að kynna faggreinarnar á afmæli Háskóla Íslands næsta vor.

Staða menntunar í matvælafræði, næringarfræði og næringarrekstrarfræði rædd. Möguleikar á samstarfi við aðra háskóla fyrir matvæla- og næringarrekstrarfræðinám rætt. Frekar rætt á næsta fundi.

7. Næsti fundur

Næsti fundur verður ákveðinn síðar. Formaður sendir upplýsingar um fundarstað og fundartíma í tölvupósti.